ក្រុមហ៊ុន ខេម ជ្ជីអេសអេម ប្រកាសពីផែនការសំខាន់ៗ និងការពង្រីកតំបន់សេវាសម្រាប់ឆ្នាំ ២០២៥ | សែលកាត

ក្រុមហ៊ុន ខេម ជ្ជីអេសអេម ប្រកាសពីផែនការសំខាន់ៗ និងការពង្រីកតំបន់សេវាសម្រាប់ឆ្នាំ ២០២៥

ថ្ងៃចេញផ្សាយ: មេសា, ថ្ងៃ​សុក្រ 04, 2025

រាជធានីភ្នំពេញ ព្រះរាជាណាចក្រកម្ពុជា ថ្ងៃទី៤ ខែមីនា ឆ្នាំ២០២៥ – ក្រុមហ៊ុន ខេម ជ្ជីអេសអេម ម.ក ហៅថាសែលកាត គឺជាក្រុមហ៊ុនប្រតិបត្តិករសេវាទូរគមនាគមន៍ ក្នុងស្រុកតែមួយគត់របស់កម្ពុជា បានចេញផ្សាយរបាយការណ៍ហិរញ្ញវត្ថុប្រចាំឆ្នាំ ២០២៤ របស់ខ្លួន ដោយរៀបរាប់លម្អិតអំពីសមិទ្ធិផលសំខាន់ៗ និងបង្ហាញពីទស្សនវិស័យជាយុទ្ធសាស្ត្រសម្រាប់ឆ្នាំ ២០២៥ ។

របាយការណ៍ហិរញ្ញវត្ថុនេះ បានបង្ហាញពីកំណើនជាលំដាប់ និងការពង្រីកតំបន់សេវា ដែលឆ្លុះបញ្ចាំងពីការខិតខំប្រឹងប្រែង របស់ក្រុមហ៊ុន ក្នុងការជំរុញហេដ្ឋារចនាសម្ព័ន្ធឌីជីថលរបស់កម្ពុជា។ នៅឆ្នាំ ២០២៤​ ក្រុមហ៊ុន សែលកាត មានរបាយការណ៍ហិរញ្ញវត្ថុជាវិជ្ជមាន ដែលមានទ្រព្យសកម្មសរុបកើនឡើងដល់ ២,៦៥៤.៩៦២ ប៊ីលានរៀល នៅក្នុងឆ្នាំ ២០២៤ ដែលនៅក្នុងឆ្នាំ ២០២៣ មានទឹកប្រាក់សរុបចំនួន ២,៥៦០.៩៩៦ ប៊ីលានរៀល ការកើនឡើងទ្រព្យសកម្មសរុបស្មើនឹង ៤% រីឯ មូលធនសរុប ក៏មានការកើនឡើងដល់ ១,១៩៧.៨៨១ ប៊ីលានរៀល ការកើននៃមូលធនសរុបស្មើនឹង៩% ដែលមូលធនសរុបកាលពីឆ្នាំមុនមានត្រឹម១,១០៣.៤៥៨  ប៊ីលានរៀលប៉ុណ្ណោះ។

គំនិតផ្តួចផ្តើមជាយុទ្ធសាស្រ្តរបស់ក្រុមហ៊ុន សែលកាត ក្នុងឆ្នាំ ២០២៤ រួមទាំង ការទទួលបានអាជ្ញាប័ណ្ណបច្ចេកវិទ្យា OTT និងការបើកឱ្យដំណើរការ ផលិតផលសែលកាត ហូមវ៉ាយហ្វាយ និងការពង្រីក ការផ្តល់សេវាឌីជីថលរបស់ខ្លួន។ ក្រុមហ៊ុនក៏បានផ្តោតទៅលើ ការពង្រីកតំបន់សេវា និងការផ្តល់បទពិសោធជូនអតិថិជន ដើម្បីទទួលបាននូវសេវាទូរស័ព្ទតាមរយៈ ការធ្វើទំនើបកម្មទីតាំងស្ថានីយ៍អង់តែនថ្មីៗទូទាំងប្រទេស។

ដោយមើលឃើញពីការយកចិត្តទុកដាក់របស់ក្រុមហ៊ុន លើអតិថិជនជាស្នូល និងមានប្រតិបត្តិការហិរញ្ញវត្ថុម៉ត់ចត់ ក្រុមហ៊ុន សែលកាត បានទទួលពានរង្វាន់ផ្នែកភាពជាអ្នកដឹកនាំ នៃការផ្តល់តម្លៃស្នូលជូនអតិថិជនពីក្រុមហ៊ុន Frost & Sullivan និងទទួលបានការទទួលស្គាល់ថា ជាភាគហ៊ុនដែលរកប្រាក់ចំណេញច្រើនជាងគេពី CSX ។ ការអភិវឌ្ឍហេដ្ឋារចនាសម្ព័ន្ធ នៅតែជាចំណុចស្នូល ដូច្នេះក្រុមហ៊ុនបានកប់ខ្សែកាប្លិ៍អុបទិកបានប្រវែង ១០០ គីឡូម៉ែត្រ និងបិទបច្ចេកវិទ្យា ៣G បានសម្រេចជាង ៧០%។

ឆ្ពោះទៅឆ្នាំ ២០២៥ ខាងមុខ​​​ ក្រុមហ៊ុន សែលកាត បានគូសបញ្ជាក់ពីមហិច្ឆតានៃ ផែនការពង្រីក និងធ្វើទំនើបកម្មស្ថានីយ៍អង់តែនបន្ថែមថ្មីៗ ដើម្បីបំពេញតម្រូវការអតិថិជន ដែលបានកំពុងកើនឡើងនៅកម្ពុជា។

លោក Simon Perkins អគ្គនាយកប្រតិបត្តិរបស់ ក្រុមហ៊ុន សែលកាត បានមានប្រសាសន៍ថា “នៅពេលដែលតម្រូវការឌីជីថលរបស់កម្ពុជាកាន់តែរីកចម្រើន សែលកាតក៏ត្រូវតែត្រៀមខ្លួនដើម្បីផ្តល់សេវា និងដំណោះស្រាយទូរគមនាគមន៍ទាន់ចិត្តជូនអតិថិជន នាពេលអនាគតផងដែរ។ ដូច្នេះក្រុមហ៊ុន មានផែនការពង្រីកស្ថានីយ៍អង់តែនក្នុងឆ្នាំ ២០២៥ នេះ ដើម្បីធានាថា ប្រជាជនកម្ពុជាគ្រប់ៗរូប អាចទទួលបានតំបន់គ្របដណ្តប់នៃសេវាទូរស័ព្ទដែលមានគុណភាពខ្ពស់ និងដើម្បីគាំទ្រដល់បរិវត្តកម្មឌីជីថលរបស់ប្រទេសផងដែរ”។

 

ដើម្បីពិនិត្យរបាយការណ៍ពេញ សូមចូលទៅកាន់គេហទំព័រ ក្រុមហ៊ុនផ្សារមូលបត្រកម្ពុជា​: http://csx.com.kh/

សម្រាប់ព័ត៌មានបន្ថែម សូមផ្ញើអ៊ីម៉ែលទៅកាន់: investor_relations@cellcard.com.kh

អ្នកក៏អាចអានផងដែរ

មេសា, ថ្ងៃ​ព្រហស្បតិ៍ 03, 2025

Cellcard was proud to be the Exclusive Platinum Annual Sponsor of the Intern...

មិនា, ថ្ងៃ​អង្គារ 18, 2025

[រាជធានីភ្នំពេញ ថ្ងៃទី១៨ ខែមីនា ឆ្នាំ២០២៥]- វិស័យកីឡាអេឡិចត្រូនិកកម្ពុជា បាន...

មិនា, ថ្ងៃ​សុក្រ 07, 2025

3 March 2025, Barcelona: Cambodia’s leading Mobile Network Operators &...

មិនា, ថ្ងៃ​ព្រហស្បតិ៍ 06, 2025

[រាជធានីភ្នំពេញ ព្រះរាជាណាចក្រកម្ពុជា ថ្ងៃទី ៦ មីនា ២០២៥]- ក្រុមហ៊ុន ខេម ជ្ជ...

star មុខងារថ្មី!

មានអ្វីចង់សួរមែនទេ? កាន់តែងាយស្រួល! ឥឡូវនេះលោកអ្នកអាចឆែកមើលសំណួរចម្លើយដែលបានសួរជាញឹកញាប់ថ្មីៗនៅទីនេះ!